Најдобрите филмови во кои виното е во главна улога

Виното е инспирација за музичарите, писателите, сликарите, но виното исто така е творечка инспирација и за луѓето од филмската индустрија. Неговото височество виното во повеќе филмови бил главен мотив, но и носечка улога, што не инспирираше да направиме листа на која се најдоа неколку исклучителни дела кои Ви препорачуваме да ги погледнете во првата прилика.
Незаборавните “French Kiss”, со Мег Рајан и Келвин Клајн, и “A Walk in the Clouds”, со Кијану Ривс, кои се малку постари филмови, се само дел од низата на филмови кои треба се погледнат со чаша вино во рака.
Покрај нив, Ви ги препорачуваме и следните филмови:

Bottle Shock (2008)
Режија: Randall Miller
Актери: Chris Pine, Alan Rickman, Bill Pullman, Eliza Dushku, Rachael Taylor

blog_movies_bottle-shock

Филмот е базиран на вистински настани што се случиле во 1976. Виното во Калифорнија немало добра репутација, и вообразените французи не го признавале квалитетот што го дава долината Напа.
Поради тоа договориле натпревар каде секоја земја ги презентира вината на слепо дегустирање, ден што во историјата е запамтен како Судот на Париз.
Кога го гледав не знаев ништо ни за историјата на виното, а ни за како се произведува вино.
Но, филмот е така направен за секој што ќе го изгледа да се заљуби во земјата, сонцето, лозјето… и се разбира виното.
Забавен, едукативен и инспиративен филм што го препорачувам на секој.
Чие вино ќе победи? Франција, или Америка? Оставам на вас да погледнете.

A Good Year (2006)
Режија: Ridley Scott
Актери: Russell Crowe, Abbie Cornish, Marion Cotillard Albert Finney

A-Good-Year-a-good-year-2006-16631575-1280-1024
Убава, лесна, предвидива романтична комедија за релаксирачка вечер.

Макс дознава дека добил наследство од вујко му, имот во Франција каде тој има пораснато. Но, многу работи се смениле од тогаш.

Како дете го обожувал времето поминато со вујко му, но сега, веќе возрасен само сака да го продаде, да заработи и да се врати во својот свет.

Додека чека проценка на имотот, се бори со распаднатата куќа, домарот што го спрема совршеното вино, некоја американка која се преставува како негова братучетка и чуствата што се раѓаат за прекрасната, бунтовна Фани.

Дури и од ова кратко сиже, може да предвидите во која насока ќе се движи филмот. Но, прекрасните пејсажи на лозјата во Франција вредат за сите пари.
Sideways (2004)
Режија: Alexander Payne
Актери: Paul Giamatti, Thomas Haden Church, Virginia Madsen, Sandra Oh

sideways
Кога се зборува за вино, не смее да не се спомене овој филм. Бавна комедија, која со својот интересен хумор и реалистичносто сценарио, си доби статус на култен филм меѓу љубителите на вино.

Самиот факт дека поради една сцена во филмот, се намалила продажбата на мерло во Америка, е доволно за да знаете дека е квалитетен филм.

Приказната следи двајца пријатели, да речеме средовечни (или одат накај таа возраст), секој со свои проблеми, едниот неуспешен писател, а другиот неуспешен актер.

Бидејки свадбата на актерот се наближува, двајцата решаваат да тргнат низ винариите по Калифорнија на „лудо“ ергенско патување.

Не очекувајте лудории како во “The Hangover”, овие двајца не се толку екстремни, но ќе им се случуваат интересни работи на патувањето.

Глумците не се големи звезди, изледаат просечно, некако нормално, и поради тоа го прават филмот полесен и позабавен за гледање.

Ако ништо друго, филмов ќе ве натера да го отворите првото вино што ќе го најдете по дома.

Додади коментар

Your email address will not be published. Required fields are marked *