Македонско вино со светски квалитет – Езимит „STARDUST VIOGNER“

Во изминатиот период, македонските винарии имаа чест да бидат домаќини на Сара Д’ Амато, консултант за вино, сомелиер и соработник на списанието „Wines“ во Торонто.
Сара Д’ Амато ја добила наградата “Топ 30 до 30” на „Ontario Hosteliery“ и е постојан промотор на локалното вино и гастрокултура. Таа работела во винските визби во Нијагара и во Франција и како сомелиер на „Four Seasons“ хотелот во Торонто. Во моментов, е дел од одборот на канадската асоцијација на професионални сомелиери.
По посетата на винаријата Езимит, прошетката низ лозовите насади и дегустацијата на виното STARDUST VIOGNER, Сара Д’ Амато, своите позитивни впечатоци ги сподели со своите читатели и многубројните фанови на Winealign.
„Полн карактер и текстура кај овој „VIOGNER“, нашироко засаден во Езимит, на топла клима. Со тропска нота и полно чувство во устата, потсетува на чилеанските вина. Добро избалансиран со пријатна густина. Одличен пример на оваа сорта со достапна цена.“ – напиша Сара Д’ Амато, која воедно е најмладата и единствената жена која ја освоила главната награда на „Canadian Renaissance Wine Tasting Challenge“во 2006 година.
Виното STARDUST VIOGNER е од едицијата „STARDUST“на винаријата Езимит, која се состои од 12 различни комплексни вкусови и ароми, застапени во Хрватска, Скандинавија, Белгија, Германија, Словачка, Чешка, Австралија и Канада.

21191279_10208081734760028_511951129_o
„Виното во Македонија се смета за култура која датира од пред 4.000 години, што го прави еден од најстарите региони за производство на вино во светот.
Природната убавина е многу важна карактеристика за Македонија, има широки долини, планини и прекрасни дестинации за одмор, се одликува со климатски карактеристики кои вклучуваат сонце – над 270 дена годишно, а климата е мешавина на медитеранска и континентална.
Лоциран во Овчеполе, Езимит е водечки извозник на македонско вино, фокусиран на еколошко винско производство. Виното на Езимит претставува голем дел од македонското вино достапно во Канада.“ – се само дел од импресиите кои Сара ги сподели на сајтот „Winealign“ по повод посетата низ македонските винарии.
Извозната стратегија и винскиот бизнис се стратешки востановен курс на делување на Езимит, со цел да се нуди на странскиот пазар најдоброто што може да се произведе во Македонија.

Додади коментар

Your email address will not be published. Required fields are marked *