Во недела, планинарски марш по патот на виното

Во недела, 19.11.2017 година, во пресрет на празникот Свети Архангел, планинарското друштво Free Hikers ќе го предводи планинарски марш по патот на виното “In vino veritas – Во виното е вистината”.
Планинарскиот марш ќе стартува во 8 часот од селото Долни Дисан, а по патеката долга 16 километри во најголем дел од својот тек ќе поминува покрај лозовите насади на винаријата „Венец“, која се наоѓа на триаголникот Долни Дисан, Горни Дисан и селото Вешје.
„На ова подрачје микроклимата и тероарот го даваат најдоброто грозје во земјата. Лозјата се наоѓаат на надморска височина од 250 до 500 метри, а на 70 проценти не им е потребно наводнување. Венец е една од двете винарии во Македонија што одгледува многу повеќе грозје од што е потребно за нивното производство на вино. Оваа винарија им продава грозје на речиси сите винарии во земјата“ – се вели во информацијата од организаторите.
По завршувањето на планинарскиот марш ќе следи дегустација на вина од винаријата „Венец“.

Додади коментар

Your email address will not be published. Required fields are marked *