Оваа пролет подгответе се за винско патување во долината Дуро

Во изминатите две-три години Португалија се повеќе станува привлечна за туристите и од нашите краеви. Порто, Лисабон и брегот на Атлантикот нудат многу возбуда, но доколку сакате едно поинакво патување низ Португалија, тогаш посетете ја долината Дуро. Лоцирана во северниот дел на Португалија, природата не само што не се штедела да го направи ова парче на земјата преубаво, туку и му подарила совршена клима за одгледување грозје и правење врвно вино.

Zosto-dolinata-Diro-treba-da-bide-vashata-sledna-proletna-destinacija_13
Традицијата на одгледување на лозови насади и производство на вино се одвива векови наназад, а освен со бескрајни лозови насади, винскиот регион Дуро е исполнет и со прекрасни и драматични пејзажи поради кои срцето ќе ви прескокне отчукување од среќа и неверување.

Zosto-dolinata-Diro-treba-da-bide-vashata-sledna-proletna-destinacija_5
Истражувајќи го регионот ќе вкусите прекрасни локални вина и храна. Ќе се опиете од глетките околу вас, ќе вдишете поинаква култура и парче историја.

Zosto-dolinata-Diro-treba-da-bide-vashata-sledna-proletna-destinacija_15
Она што е најинтересно е пловењето по реката Pinhão низ долината Дуро, а самата пловидба може да трае од неколку часови до неколку денови, со попатни застанувања во околните хотели, или пак на бродот доколку истиот нуди сместувачки капацитети.

Долината Дуро е совршена во текот на целата година, но пролетта е особено магична. Температурите се топли и пријатни, боите се посветли, а регионот сè уште не е преплавен со туристи.

Zosto-dolinata-Diro-treba-da-bide-vashata-sledna-proletna-destinacija_6
Тивкиот предел со гостопримливи домаќини ќе ви го донесе долго посакуваниот мир, а доколку сè уште не сте убедени, погледнете ги фотографиите или пробајте да пронајдете некое од локалните вина кои сигурно ќе Ве убедат да ја ставите долината Дуро на Вашата листа за места кои морате да ги посетите.

Додади коментар

Your email address will not be published. Required fields are marked *