Од ресторан во Париз украдени 150 шишиња врвно вино

Крадци успеале да влезат во вински подрум на луксузен ресторан во Париз и украле најмалку 150 шишиња висококвалитетно вино во вредност од стотина илјади евра, информираше француската полиција, а пренесе „Гардијан“.

Ресторанот има две ѕвезди од престижниот водич за храна Мишелин и е познат по широката и многу квалитетна понуда на вина, која вклучува шишиња од најелитните вински полиња во Франција.

Крадците го искористиле моментот на реновација на винскиот подрум, а според непотврдени информации украденото вино би можело да чини и до 600 илјади евра.

Француската полиција се соочи со сличен случај и во 2009 година, кога уапси 44-годишен маж под сомниение дека украј 500 шишиња вино во вредност од стотина илјади евра од некои од најдобрите ресторани во Париз.

Додади коментар

Your email address will not be published. Required fields are marked *