Ако сте вистински вљубеник во виното, овие 10 трикови ќе Ви послужат во многу ситуации:
1. Изладете го виното со грозје
Едноставно измијте го овошјето, оставете го неколку часа во замрзнувач и потоа можете да го употребите наместо коцкички мраз во чашите со вино. За разлика од коцките лед, грозјето нема да се стопи и да ви го разблажи пијалокот, и плус ќе имате и вкусен десерт заедно со чашата вино.
2. Засладете го виното
За да направите вистинска летна посластица, ставете мал разнобоен сладолед на стапче во чашите со бело вино. Предупредување: веројатно ќе посакате да испиете и неколку чашки со овој десерт.
3. Смрзнете ги остатоците вино од шишето
Во калап за правење лед, истурете вино наместо вода и ќе добиете преубави ледени коцкички вино кои ќе можете да ги ставите во пијалак или да ги искористите за готвење, кога сакате да му дадете дополнителен шмек на јадењето.
4. Прецедете ги трошките од тапата
Тапата случајно ви падна во шишето и сега не можете да сипете чаша вино без трошки од тапата? Едноставно поставете филтер за кафе врз чашата и сипете вино преку него. Ниту една трошка нема да остане непроцедена.
5. Отворете го шишето со бормашина
Ако сте „направи сам“ тип на човек и ви се наоѓа бормашина по дома, но не и отварач за вино, тогаш овој совет е совршен за вас Можете да ја отстраните тапата со бормашина.
6. Розе трик
Овој трик е предобар за топлите летни денови. Смрзнете розе вино во калап за правење коцки лед, оставете го во замрзнувач преку ноќ и следниот ден изблендирајте го розовиот лед, претурете го во чаши и послужете. Вашите пријатели ќе бидат фасцинирани од оваа интересна и естетска досетка, додека ледот бавно се топи во чашите и се претвора во вино.
7. Изладете го виното со помош на влажни крпи
Немојте никако да послужите топло шише вино. Едноставно навлажнете хартиени кујнски крпи, замотајте ги околу шишето и ставете го на кратко во замрзнувач. Шишето ќе се излади за минутка.
8. Додајте овошен шмек
Ако сакате да додадете малку вкус и естетика на чашата вино, додајте смрзнати рибизли, малини, ананас или цреши во чашите.
9. Калапите за печење мафини како послужавник
Имате гости и треба да послужите повеќе чаши вино? Калапите за мафини можат да соберат и до 12 пластични чаши со вино, без да ви се истури една капка од чашите додека ги служите.
10. Вратете ја тапата по отворањето со пластична кеса
Не го допивте шишето вино и сакате повторно да го затворите со истата тапа? Едноставно замотајте ја тапата во пластична кеса и така полесно ќе ја вратите на место без да ви се изрони во шишето.
