Досегашните минимални температури забележани во државата нема да предизвикаат штети врз лозовите насади, ниту пак кон останатите земјоделските култури, уверуваат од Министерството за земјоделство, шумарство и водостопанство.
„Со оглед на фактот дека режењето на виновата лоза не е изведено, доколку се случи понатамошен пад на температурите, евентуалните измрзнати ластари во наредниот период би се корегирале со самото кроење. Опасноста кај овошките е уште помала заради поголемата издржливост“, велат од МЗШВ.
Од таму додаваат дека временските услови и температури се вообичаени за овој дел од годината, но, истакнуваат од Министерството, ќе ја следат состојбата и доколку се случат евентуални штети навреме ќе реагираат со соодветни мерки.
