Без разлика дали Велика Британија ќе ја напушти Европската Унија на 31 октомври со договор или на потежок начин, островот нема да пресуши, барем кога станува збор за шампањ.
Француските производители на шампањ велат дека се организирале на време и направиле залихи од својот чуен производ во Британија.
Голем број на шишиња се складирани во земјата која по увоз на шампањ е прва во светот, дури и пред САД, така што однапред го избегнале потенцијалното пореметување на пазарот.
Велика Британија увезува 17 отсто од францускиот шампањ, што во 2018 година било дури 26,8 милион шишиња.
Здружението на произведувачи на шампањ рекле дека складиштата во Велика Британија се „до врв“ полини за да не ги погоди можното затворање на границите.
Винскиот критичар Антоан Гербел рекол дека се мисли за количина доволна да се покрие жедта на Британците со шампањ во наредните година дена.
„Британците обожуваат шампањ веќе 300 години и без разлика дали ќе има Брегзит или не, тие пак ќе продолжат да го пијат и да го сакаат“, рекол претседателот на здружението на производители.
