ФОТО: Заврши петтиот Spring Wine Festival

Пред „Веро-центар”, од 11 до 15 мај, се одржа пролетниот вински фестивал во Скопје – Spring Wine Festival.
Како и изминатите изданија на фестивалот, така и годинава посетителите имаа можност да уживаат во дегустација на најубавите сортни македонски вина и во вкусни деликатеси по промотивни цени. Сето тоа беше збогатено со музичка програма, која ги задоволи различните вкусови на публиката.
На годинешното издание учествуваа повеќе од десет македонски винарници кои на „Пролетниот вино-фест” го понудија најдоброто од својот асортиман и тоа: „Тиквеш”, „Сковин”, „Бовин”, „Стоби”, „Попова кула”, „Далвина”, „Повардарие”, „Визба Валандово”, „Вардарска Долина”, „Пивка” и други.