Виното како додаток при готвењето на јадењето е секогаш перфектен избор. Во продолжение уште еден супер интересен рецепт кој ќе ги воодушеви луѓето околу вас.
Модриот патлиџан излупете го и исечете го на 12 тенки долги парчиња. Испржете ги на малку зејтин колку да омекнат малку. Тргнете на страна.
Шницлите исчукајте ги да бидат тенки. Секоја шницла посолете ја па премачкајте ја од едната страна со едно лажиче сенф и ставете по едно парче модар патлиџан. Завиткајте во цврст ролат и зацврстете со дрвена чепкалка или метални игли за месо. Пржете ги од двете страни додека да зацрвенат па тргнете ги на страна.
Во маслото каде ги пржевте шницлите, ставете ги исечканите моркови, кромид и целер и пржете додека да омекни зеленчукот. Додадете водата и виното, оставете да зоврие па ставете го и сувиот зеленчук. Измешајте убаво и ставете ги шницлите во сосот. Затворете со капак и оставете 30тина минути да крчка на тивко.
Извадете ги повторно шницлите, а зеленчукот заедно со течноста измиксајте ја со рачен миксер. Вратете назад во тавата и се заедно оставете уште еднаш да зоврие на тивко.
Послужете со свежа салата и пире од компири, и секако со виното Фаворит на ВВМ „ГД-Тиквеш“.
