Љубителите на убавото вино едвај би однеснеле како подарок шише полско шардоне или пак англиско пенливо вино. Тоа навистина би било лесен избор денес, но по неколку години овие вина може да се покажат толку допадливи, колку и шишињата кои доаѓаат од Франција, Италија или Калифорнија, коментира „Quartz“.
Мапата на светот на виното е подложена на драматични промени. Светското производство на вино е на пат да достигне најниското ниво по децении главно поради климата, покажуваат проценките на Меѓународната организација за виното (МОВ). Во исто време, производството на вино во Велика Британија достигнува добри резултати, особено во пенливото вино.
Иако експертите остануваат поделени за тоа кои делови на светот ќе загубат и кои ќе добијат, сите се согласуваат дека најпознатите региони за вино во светот нема да останат исти. Со зголемувањето на глобалните средни температури најдобрите земјишта за садење лозја се оддалечуваат од екваторот и одат повеќе на север или на југ во зависност дали зборуваме за северната или јужната хемисфера.
Првата сеопфатна студија на оваа тема беше објавена во 2013-та година во списанието „Proceedings of the National Academy of Sciences“. Таа го прави драматичното тврдење дека виното што се произведува во Бургундија, Франција, и долината Напа, Калифорнија, меѓу другите региони во светот, ќе изчезнe во рамките на 50 години.
Истражувачите велат дека ќе се појават нови области за одгледување лозја и дека ќе произведуваат подобри вина од сегашните лидери. Во Европа, во Англија, Полска и во Австрија, ќе се развијат најповолни услови, според анкетата. И во САД, Монтана, Вајоминг и Мичиген ќе имаат најголема корист.
Сепак, студијата беше критикувана поради нејзината лоша методологија. Додека овие традиционални региони се дефинитивно под закана, последователните студии прикажуваат посложена слика. Со локалното затоплување, локалните климатски промени може да се разликуваат низ целиот свет. Некои региони ќе доживеат суши, а други – поплави. Подобар начин да се предвидат овие промени е да се проучуваат поединечните региони.
Студија од претходно оваа година покажа дека вкусот на кава – вид пенливо вино, се произведува во северните делови на Шпанија – ќе се влоши како резултат на потоплите температури. Се очекува регионот да биде сув и топол, што ќе доведе до предвремено зреење на грозјето, а тоа од своја страна ќе го направи виното послатко и не толку кисело.
Од друга страна студија од 2016-та година покажува дека климатските промени може да се покажат корисни за француските лозја од 80-тите години. Раното зреење го направило грозјето побогато на танини – хемикалиите кои ја даваат бојата на црвеното вино и можат да додаваат навестувања горчина и комплексност. Студијата, сепак, предупредува дека овие бенефиции можеби нема да траат долго со затоплување на климата.
Постои надеж дека ќе има региони каде што климата нема значително да се промени. Студијата од 2015-та година сугерира дека некои региони можеби ќе можат да се прилагодат на климатските промени користејќи методи како наводнување.
Во најлош случај, другите региони ќе бидат подготвени да ги искористат празнините. Прашањето е кој регион ќе стане следниот Бордо или Напа. Некои од кандидатите се Англија и Мичиген во САД.
Со временските промени, климата во јужна Англија е повеќе слична на онаа на францускиот шампањ. Во исто време почвата таму исто е како оваа во регионот, што значи дека во наредните години за англиските вина може да се слуша доста повеќе.
Државата Мичиген веќе има помало производство на вино, но се зголемува со затоплување на времето. Бројот на винарски визби, на пример, скокна од 16 на 130 во последните 10 години.
