Винарските визби главно се придржуваат до законските рокови за исплата на ратите за откупеното грозје. До 30 април треба да ја исплтатат и последната трета рата од 40 проценти што ја должат на лозарите за ланскиот род.
За помалку од две недели винските визби треба да им ја платат на лозарите и последната трета рата од 40 проценти за купеното грозје од ланската реколта.
Според законот исплатата е во рокод 6 месеци и на 3 рати од превземањето на откупениот род. Првата рата од 20 проценти се плаќа до 15 декември, втората од 40 проценти најдоцна до 15 февруари и последниот износ докрајот на април.
Досега од вкупниот долг за купеното винско грозје од реколта за 2016-та година , исплатен е повеќе од половина од износот што треба да го добијат лозарите.
Винарската визба „Повардарие“ поради неисплатената втора рата ја загуби лиценцата за откуп на грозје односно е избришана од регисарот на производители на вино.
Во Македонија лани беа собрани 180 милиони килограми винско грозје. Дел се извезува во странство, а поголемиот дел останува и се преработува во домашните вински визби.
Винариите имат уште 2 недели да ја исплатат третата рата од откупеното грозје
