Вината на винаријата „Чифлик“ и македонската староградска песна ќе бидат во фокусот на сите оние кои сакаат да поминат еден необичен викенд во прославената стара битолска чаршија.
Второто издание на Фестивалот на староградска музика и вино кој е закажан за овој викенд ќе започне во петок, 5 јули, за кога се закажани настапите на група Деспина и Марија Груевска. На втората фестивалска вечер пак ќе настапат Сефедин Бајрамов, Икс Бенд и Мелос Бенд.
Почетокот на двете фестивалски вечери е закажан за во 21 часот и 30 минути.
