Стиховите „За Солуна, за Стамбола, Битола не давам“, но и „Ајде вино пијам, вино пијам“ втора година по ред се разлеаа по Старата битолска чаршија каде годинава по втор пат се оддржа „Фестивалот на староградска музика и вино“.
Фестивалот помина во одлична атмосфера, а дел од гостите понесеси од звуците на староградската музика, фестивалот го завршија играјќи валцер, за што добија заслужен аплауз.
Низ текот на двете фестивалски вечери се пиеа вината на винаријата „Чифлик“, присутните ги забавуваа Деспина и Марија Груевска, односно Сефедин Бајрамов, Икс Бенд и Мелос Бенд кои настапија на втората фестивалска вечер.
Фестивалот на староградска музика и вино е во рамки на Битолско лето 2019 година, а целта на истиот е враќање на сјајот на битолската чаршија.
