Седум дена по отворањето на првата винотека на ВВМ „Гоце Делчев – Тиквеш“. Можеби недоволно време да се сумираат сите впечатоци, да се прераскажат сите преубави моменти, и да се потсети на сите спомени кои остануваат за навек, но сосема доволно да се потврди првичната импресија за уникатноста, ексклузивноста и екстравангантноста на првиот објект од ваков тип на најбрзорастечката македонска винарија.
И ова не е субјективен коментар, туку генерална оценка на големиот број на гости, пријатели, луѓе од винскиот бизнис, доставувачи, добавувачи, лозари, почитувачи на винската култура и боеми, кои ја имаа привилегијата први да влезат во винотеката на винаријата „Гоце Делчев – Тиквеш“, да го почуствуваат духот на винаријата, но и да ги вкусат вината кои многумина ги оценуваат како совршени.
Низ денот исполнет со пријатни разговори, вкусна храна и врвно вино не водеше градскиот боем, Душко Стефанов кој со одбрани зборови, но и неколку боемски мисли на свечениот момент му даде една поинаква димензија, по што директорот на винаријата „Гоце Делчев – Тиквеш“, Миле Милев со сечење на црвената лента и официјално го означи почетокот со работа на винотеката.
Со работно време од 10 до 19 часот, секој ден освен недела, винотеката на винаријата „Гоце Делчев – Тиквеш“ одсега е првиот избор не само на вљубениците во совршеното вино, туку и на сите оние кои знаат и сакаат да подарат многу повеќе од вино. Посетете не на улица „Шишка“ број 2, и уживајте во совршено добрите вина на ВВМ „Гоце Делчев – Тиквеш“.
