Француската компанија „Т.Т.Трункс“ го претставува своето ново ремек дело. Станува збор за импресивниот „МИЛЕСИМЕ Трунк Т512“ ковчег, креиран за складирање на шампањ и вино.
За изработка на еден ваков ковчег потребни се минимум 1050 часови, а за да се создаде блескавиот сјај што го поседува, овој ковчег е обложен со електрично син „Динамик“ микрофибер. Исто така, тука се и црните детали од истиот материја, што создаваат совршен контраст. Надворешноста на ковчегот е обложена со црна кожа, што е украсена со никлувани полирани детали и рачки со метални детали.
Овој ковчег поседува ВИ-ФИ стерео звучници, обложени со ткаенина што совршено го пропушта звукот. Во ковчегот можат да бидат складирани 20 шишиња вино и шампањ – 10 во замрзнувачот, односни винскиот подрум, и по пет во секоја од фиоките од страна.
Заедно со ковчегот доаѓаат и 16 кожни подметнувачи, по осум чаши за вино и шампањ од брендот „Бакарат“, како и сите неопходни аксесоари за уживање во виното.
Благодарение на тркалата од полиран месинг, овој ковчег може по желба да се поместува.
„Милесиме“ доаѓа со кожен кофер, специјално наменет за едно шише вино и две чаши.
Цената на овој ковчег е 100.000 евра.
